როგორც კოალიციის თანათავმჯდომარე მაია ხარაძე აღნიშნავს, გუშინ „ქართული ოცნების“ ათეულობით აქტივისტი დაპატიმრეს ადმინისტრაციული წესით თბილისში, გორში, ქარელში, კასპში, ხაშურში, ფოთსა და მესტიაში.
„კოალიციაში შემავალი უფლებადამცველები წინასწარ ვაკეთებდით განცხადებებს, რომ ხელისუფლება არჩევნების დღის მოახლოებამდე ოპოზიციის მასობრივ დაპატიმრებებს დაიწყებდა“ - განაცხადა ხარაძემ.
მისი შეფასებით, მოსახლეობაში ნდობადაკარგულმა ხელისუფლებამ იმიტომ დაიწყო „ქართული ოცნების“ აქტივისტების მასობრივი დაპატიმრება, რომ ერთის მხრივ ოპონენტებზე ანგარიშწორება მოახდინოს და მეორეს მხრივ, მოსახლეობაში შიშის სინდრომი დანერგოს.
