ფილარმონიასთან მიმდინარე საპროტესტო აქციის ძირითადი ნაწილი დასრულებულია.
ამ დროისთვის ფილარმონიის წინ მხოლოდ აქციის რამდენიმე მონაწილე და პოლიციის თანამშრომლების დაახლოებით, ორი ოცეულია დარჩენილი.
ფილარმონიის მიმდებარე ტერიტორიაზე სიმშვიდეა, შესაბამისად, ტერიტორია პოლიციის თანაშრომელთა მეორე ნაწილმაც დატოვა.
საპროტესტო აქცია აღნიშნულ ტერიტორიაზე ხვალ 17:00 საათისთვის განახლდება.
ორგანიზატორთა განცხადებით, ისინი შს ყოფილი მინისტრის ბაჩო ახალაიას პასუხისგებაში მიცემას, ასევე, თავდაცვის მინისტრ დიმიტრი შაშკინისა და სასჯელაღსრულების ყოფილი მინისტრის ხათუნა კალმახელიძის დასჯას მოითხოვენ.
ხვალინდელი აქციის ერთ-ერთი მოთხოვნა პრემიერ-მინისტრის ვანო მერაბიშვილის გადადგომა იქნება.

















