საქართველოს მოქალაქეების ისრაელში ლეგალურად დასაქმების რეგისტრაცია დღეიდან იწყება და მთელი წლის განმავლობაში გაგრძელდება.

დასაქმების მსურველი პირები პირველად რეგისტრაციას ჯანდაცვის სპეციალურ სარეგისტრაციო პორტალზე გაივლიან.

ისრაელის შრომის ბაზარზე საქართველოს მოქალაქეების დროებითი ლეგალური საქმიანობა ერთი წლის ვადით იქნება შესაძლებელი.

დასაქმება ხანგრძლივი მოვლის დაწესებულებებში, დამხმარე მუშაკის პოზიციაზეა მოხდება.
საქართველოდან ისრაელში ლეგალურად ჩასვლას და მუშაობას საქართველოს 1000-მდე მოქალაქე შეძლებს.

შრომითი მიგრაციის საკითხთა სამმართველოს უფროსის, გიორგი ბუნტურის განცხადებით, თვის ბოლომდე, ისრაელთან შეთანხმების საფუძველზე, მუშაობის მსურველებს შესაძლებლობა ექნებათ სპეციალურ ვებ-გვერდზე დარეგისტრირდნენ.

„საქართვცელოს მოქალქეებს ისრაელში დასაქმების სურვილის შემთხვევაში, შესაძლებლობა ექნებათ რეგისტრაცია სპეციალურ ელექტრონულ ვებ-გვერდზე workabroad.moh.gov.ge-ზე გაიარონ. წლევანდელი წლის განმავლობაში 1000 ადამიანს ექნება შესაძლებლობა, რომ ისრაელში დასაქმდეს“ - განაცხადა გიორგი ბუნტურმა.