დაავადებათა კონტროლის ეროვნული ცენტრის გენერალური დირექტორის ამირან გამყრელიძის განცხადებით, ყველა ინდიკატორი, რომელიც ეპიდსიტუაციას აფასებს გაუარესებულია და შესაძლებელია ვთქვათ, რომ მესამე ტალღა დაიწყო მაგრამ ფართო მასშტაბი მას ჯერჯერობით მიღებული არ აქვს.

„ფაქტია, რომ ეპიდსიტუაცია ქვეყანაში უარესდება და უნდა გავითავისოთ, რომ მესამე ტალღის დაწყების დიდი რისკია. შეიძლება ვთქვათ, რომ ეს დაწყებულია მაგრამ ფართო მასშტაბი მას ჯერჯერობით მიღებული არ აქვს. ყველა ინდიკატორი, რომელიც მიუთითებს ეპიდსიტუაციას და აფასებს მას, სამწუხაროდ გაუარესებულია. ეს ყველა მცირე მცირე აფეთქებები დაიწყო დიდი თავშეყრებით. ინდა გავითავისოთ, რომ დროებით ამ დიდ თავყრილობებზე ხელი უნდა ავიღოთ“ - განაცხადა ამირან გამყრელიძემ.