დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის, ამირან გამყრელიძის განცხადებით, ქვეყანაში არსებული ეპიდსიტუაცია ნელ-ნელა უარესდება და უბრუნდება გასული ოქტომბრის თვის მაჩვენებლებს, რის გამოც, მისივე თქმით საჭიროა გამოვიყენოთ გამოცდილება და შემდეგი ეპიდსიტუაციის პრევენცია განვახორციელოთ.

"ბოლო 20 დღის განმავლობაში ქვეყანაში ეპიდსიტუაციის გაუარესების დინამიკა შეიმჩნევა. ამ დინამიკას ნახტომისებური სახე არ აქვს, ეპიდსიტუაციისთვის დამახასიათებელი ყველა ინდიკატორი ნელ-ნელა იმატებს. ეს არის დაახლობით ისეთი სურათი, რომელიც ჩვენ გვქონდა გასული წლის ოქტომბრის დასაწყისში და ამიტომ ყველაფერი უნდა გაკეთდეს, გამოვიყენოთ ის გამოცდილება რაც გვქონდა და შემდეგი ეპიდსიტუაციის გაუარესების პრევენცია მოვახდინოთ“ - განაცხადა ამირან გამყრელიძემ.