ონის მუნიციპალიტეტის საკრებულოს თავმჯდომარის მოადგილე ბაჩანა მარკოიშვილი, სოფლის მხარდაჭერის პროგრამით გათვალისწინებული ღონისძიებების ორგანიზებულად განხორციელების მიზნით შექმნილ სამუშაო ჯგუფთან ერთად, 22 თებერვალს ღარის ადმინისტრაციული ერთეულის სოფლებში: ღარსა და წმენდაურში იმყოფებოდა.

აღნიშნულ სოფლებში ჩატარდა საერთო კრებების სხდომები, მოსახლეობას გაეწია კონსულტაციები საპროექტო წინადადებების შერჩევასთან დაკავშირებით და განემარტა, რომ სოფლის მხარდაჭერის პროგრამა ორიენტირებულია საბაზისო ინფრასტრუქტურის მოწყობა-რეაბილიტაციაზე სახელმძღვანელოს „ სოფლის მხარდაჭერის პროგრამით საპროექტო წინადადებების შერჩევა“ შესაბამისად.

სოფელ ღარში მოსახლეობამ პრიორიტეტად წყლის სისტემის რეაბილიტაცია დაასახელა.

სოფელ წმენდაურში კი ადგილობრივებმა სპორტული მოედნის მოწყობას დაუჭირეს მხარი.

2021 წლის 22 თებერვლის მონაცემებით, ადგილობრივ მოსახლეობასთან შეხვედრები 5 ადმინისტრაციული ერთეულეულის 17 სოფელში ჩატარდა.

სოფლის მხარდაჭერის პროგრამის ფარგლებში დასაფინანსებელი პროექტების შერჩევის მიზნით შეხვედრები გრაფიკის მიხედვით ონის მუნიციპალიტეტის სხვა სოფლებში 10 მარტამდე გრძელდება.