კასპის მუნიციპალიტეტის სოფელ იგოეთში შპს „ხარისხი“ ახალი საბავშვო ბაღის მშენებლობას აგრძელებს.

"საბავშო ბაღი 50 აღსაზრდელზე შენდება და სრულად აკმაყოფილებს სტანდარტით გათვალისწინებულ მოთხოვნებს. კეთილმოწყობილ შენობაში აღსაზრდელებს, პედაგოგებსა და მომსახურე პერსონალს ყველა პირობა ექნებათ, ამასთან კეთილმოეწყობა საბავშო ბაღის ეზოც.

სკოლამდელი აღზრის დაწესებულების მშენებლობა ადგილობრივი ბიუჯეტიდან ფინანსდება და მასზე 696 326 ლარი იხარჯება.

სოფელში ათეული წლებია საბავშვო ბაღი აღარ ფუნქციონირებს, სამუშაოების დასრულების შემდეგ სოფელ იგოეთისა და მრგვალი ჭალის აღსაზრდელებს ახალი, სრულად აღჭურვილი საბავშვო ბაღი ექნებათ" - აცხადებენ მუნიციპალიტეტის მერიაში.