საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა პროფესიული განათლების ეროვნული კვირეული (Skills Week Georgia) ონლაინ ფორმატშიგახსნა. კვირეული, რომლის მიზანს Covid-19-ის ფონზე პროფესიულ განათლებაში მიმდინარე გამოწვევების ანალიზი, ამ მიმართულებითგადადგმული ნაბიჯების შეფასება და სამომავლო პერსპექტივების განხილვა წარმოადგენს, დღეს დაიწყო და 10 დეკემბრის ჩათვლით გაგრძელდება.

ონლაინ კონფერენციაზე სიტყვით გამოსვლისას მიხეილ ჩხენკელმა პროფესიული განათლებისრეფორმის 2013-2020 წლების სტრატეგიის ფარგლებში განხორციელებული სამუშაოები განიხილა, ხაზი გაუსვა ადამიანური კაპიტალის განვითარების, სფეროს ინტერნაციონალიზაციისა და შრომის ბაზარზე ორიენტირებული სისტემის შექმნის მნიშვნელობას. პოზიტიურად შეაფასა პროფესიული განათლების სფეროში საჯარო-კერძო პარტნიორობის გაძლიერება და დამსაქმებლების ჩართულობის ზრდა, რამაც გაამყარა საფუძველიპროფესიული განათლების მართვის სრულიად ახალ მოდელზე მუშაობის დასაწყებად.

მიხეილ ჩხენკელი: „ჩვენ მნიშვნელოვანი ნაბიჯები გადავდგით ადამიანური კაპიტალის განვითარების, სფეროს ინტერნაციონალიზაციისა და შრომის ბაზარზე ორიენტირებული სისტემის შექმნის მიმართულებით. შემუშავდა ახალი, თანამედროვე კვალიფიკაციების სისტემა, რომელიც შესაბამისობაშია ევროპული კვალიფიკაციების სისტემასთან, დამტკიცდა პროფესიული საგანმანათლებლო დაწესებულებების ავტორიზაციის ახალი სტანდარტები, გაძლიერდა სასწავლებელთა ქსელი, სასწავლო ინფრასტრუქტურა დაუახლოვდა საერთაშორისო სტანდარტებს, განვითარდა ზრდასრულთა სწავლების მიმართულება, გაძლიერდა საჯარო-კერძო პარტნიორობა და დამსაქმებლების ჩართულობა პროფესიული განათლების სფეროში“.

მინისტრის თქმით, მომდევნო წლიდან პროფესიული განათლებისრეფორმის ახალი ეტაპი იწყება, რომელსაც საფუძვლად დაედება პროფესიული განათლების რეფორმის ახალი სტრატეგია, მთავარი პრიორიტეტი კი, ევროკავშირის პოლიტიკასთანჰარმონიზაცია და კერძო სექტორთან პარტნიორობის მეტად გაძლიერებაიქნება.

გამოსვლის დასასრულს მიხეილ ჩხენკელმა წარმატება უსურვა კონფერენციის მონაწილეებს და მადლობა გადაუხადაყველა საერთაშორისო დონორს საქართველოში განათლების სისტემის რეფორმირების საქმეში მრავალწლიანი, აქტიური თანამშრომლობისთვის, განსაკუთრებით კი პროფესიული განათლების მიმართულებით გაწეული მხარდაჭერისათვის.

მინისტრმა ასევე დიდი მადლობა გადაუხადა პროფესიული საგანმანათლებლო დაწესებულებების მასწავლებლებს, თანამშრომლებსა და დამსაქმებლებს პანდემიის პირობებში გაწეული საქმიანობისთვის, რის შედეგადაც შესაძლებელი გახდა არსებულ რეალობასთან ადაპტირება.

საქართველოს განათლების, მეცნიერების, კულტურისა და სპორტის სამინისტროს ორგანიზებითა და ევროკავშირის პროგრამის Skills4Jobs მხარდაჭერით, პროფესიული განათლების ეროვნული კვირეული (Skills Week Georgia) ქვეყანაში შექმნილი პანდემიური მდგომარეობის გათვალიწინებით წელს დისტანციურ ფორმატში – ონლაინ კონფერენციების სახით 7-10 დეკემბერს იმართება. იგი ევროკომისიის ევროპული პროფესიული განათლების კვირეულის (European Skills Week) ფარგლებში ტარდება, რომელსაც საქართველო უკვე რამდენიმე წელია უერთდება.