დაბა კაზრეთში შიდა გზების მოწესრიგება აქტიურ რეჟიმში გრძელდება. ამ ეტაპზე გზის მოწყობა ერთი კორპუსის მიმდებარედ მიმდინარეობს. ობიექტზე ასფალტის საფარი 2100 მ2-ზე იგება.

კაზრეთში შიდა გზების მოწყობის მიმდინარე სამუშაოებს ბოლნისის მუნიციპალიტეტის მერიის სივრცითი მოწყობისა და ინფრასტრუქტურის სამსახურის წარმომადგენელი გაეცნო. აღსანიშნავია, რომ შიდა გზები წელს დაბა კაზრეთში ორი კორპუსის მიმდებარედ უკვე მოწესრიგდა.

დაბა კაზრეთში შიდა გზების მოწყობისთვის 830 000 ლარია გამოყოფილი. სამუშაოები „რეგიონებში განსახორციელებელი პროექტების ფონდისა“ და ადგილობრივი ბიუჯეტის თანადაფინანსებით ხორციელდება.

დაბის მასშტაბით 15 000 კვადრატული მეტრის მოცულობის დაზიანებული გზების შეკეთება კომპანია „არემჯიმ“ განახორციელა. აღსანიშნავია, რომ კომპანია ასფალტის საფარს რამდენიმე კორპუსის მიდებარედაც აგებს.