ხვალ, 6 აგვისტოს თბილისი-ქუთაისის რეისზე გზამკვლევები ნიკოლოზ წულუკიძე და ციცინო ზივზივაძე იქნებიან.

ამის შესახებ „საქართველოს რკინიგზის“ ინფორმაციაშია ნათქვამი.

„სატახტო ქალაქისა და მისი მნიშვნელობის შესახებ მგზავრობის დასაწყისში გიამბობთ, მოგვიანებით კი საინტერესო ამბებს ქუთაისზე მოგიყვებით.

თეატრალების ეზო, ადგილი სადაც რეზო გაბრიაძე და იპოლიტე ხვიჩია ცხოვრობდნენ, იშხნელების გორა, პირველი აფთიაქი და კინო პავილიონი - დაგვემგზავრეთ და წინ თავგადასავლებით სავსე მოგზაურობა გელოდებათ.

მგზავრობის პროცესში ჩვენი გადამღები ჯგუფი აწარმოებს გადაღებას, მოგვიანებით კი მოვამზადებთ საინფორმაციო ვიდეო რგოლს, რადგან სხვა ადამიანებსაც მოვასმენინოთ ჩვენი გზამკვლევების მიერ მოყოლილი ამბები“ - აცხადებენ „საქართველოს რკინიგზაში“.
აღმოაჩინე საქართველო რკინიგზასთან ერთად!