ინფექციური საავადმყოფოს სამედიცინო დირექტორის, მარინა ეზუგბაია ვარაუდობს, რომ უცნობი წყაროების რაოდენობა შემცირდება და კონტაქტების პირველწყარო რამდენიმე დღეში იქნება ცნობილი.

"დღეს გვაქვს 15 ახალი შემთხვევა. დადასტურებული შემთხვევების ანალიზი ასეთია: 2 სამედიცინო პერსონლის წარმომადგენელია, 5 საკარანტინო სივრციდან გახლავთ, ოღონდ შემოტანილი, ასე ვთქვათ, იმპორტირებული შემთხვევებია, ასევე 5 პაციენტი არის საკარანტინო სივრციდან და ისინი კონტაქტებია დადასტურებულ შემთხვევებთან. ერთი საბურთალოს კლასტერის წყაროსთან მყოფი კონტაქტია და ორი პაციენტის წყაროს მოძიება ახალია და გრძელდება. საერთოდ წყაროს გარეშე პაციენტების მოძიების შედეგად იკვეთება, რომ ალბათ კონტაქტები გამოვლინდება, უბრალოდ ამას კიდევ სჭირდება დაზუსტება, ამიტომ გარკვეულწილად უცნობი წყაროს რაოდენობა ალბათ შემცირდება და კონტაქტების პირვლწყარო ითქმება, თუმცა ალბათ რამდენიმე დღე კიდევ დაგვჭირდება", - ამის შესახებ მარინა ეზუგბაიამ ჟურნალისტებთან საუბრისას განაცხადა.

მისივე თქმით, შემოსული პაციენტების ჯანმრთელობის მდგომარეობა საშუალოზე მძიმეა.

ამ დროისთვის, ქვეყნის მასშტაბით კორონავირუსის 879 დადასტურებული შემთხვევა ფიქსირდება. მათ შორის 704 ადამიანი გამოჯანმრთელდა, ხოლო 14 გარდაიცვალა.

კარანტინის რეჟიმში 2710 ადამიანი იმყოფება, სტაციონარული დაკვირვების ქვეშ კი 267 ადამიანი რჩება.