ჯანდაცვის მინისტრის ეკატერინე ტიკარაძის განცხადებით, ტაქსით სამ მგზავრზე მეტი ოდენობით გადაადგილებასთან დაკავშირებით შეზღუდვა ძალაში რჩება. ტიკარაძის განმარტებით, ტაქსიში საკმაოდ ხშირად ხდება მგზავრის შეცვლა, რაც გარკვეული რისკის შემცვლელია.


"საკუთარი ტრანსპორტით მოქალაქეებს შეეძლებათ, გადაადგილდნენ სამ მგზავრზე მეტი ოდენობით, ხოლო ტაქსებთან მიმართებაში,ეს შეზღუდვა კვლავ დარჩება. ჩვენთვის მნიშვნელოვანია, და, რა თქმა უნდა, ეს კვლავ დიდხანს დარჩება ძალაში, რომ უნდა დავიცვათ სოციალური დისტანცირება. ტაქსთან მიმართებით გარკვეული რისკები არსებობს როგორც მძღოლთან, ისე მგზავრთან მიმართებით, როდესაც ის საკმაოდ ხშირად იცვლის თავის მზგავრს და სწორედ ამ პრევენციიდან გამომდინარე, ჩვენ დავტოვეთ ეს შეზღუდვა", – განაცხადა ტიკარაძემ.