ინფექციური საავადმყოფოს კლინიკური დირექტორის, მარინა ეზუგბაიას განცხადებით, ბოლო 24 საათში ქვეყანაში COVID-19-ის სამი ახალი შემთხვევა დადასტურდა, ხოლო კიდევ 1 პაციენტი გამოჯანმრთელდა. მისივე თქმით, ახალი შემთხვევებიდან 2 ბოლნისის, ერთი კი სვანეთის კლასტერს უკავშირდება.


"გუშინ დილას ამ პერიოდისთვის, როგორც იცით, გვქონდა 408 დადასტურებული შემთხვევა, დღეს დილას დაგვემატა ჯერჯერობით სამი დადასტურებული და გვაქვს 411 დადასტურებული შემთხვევა. ამ სამი ადამიანის წყარო ცნობილია. ეს არის ბოლნისის სასწრაფოს წყაროებიდან და სვანეთის წყარო. გამოჯანმრთელებულები გუშინ საღამოს გვყავდა 97, დღეს ჩვენთან დაემატა ერთი და გახდა 98. აქედან გამომდინარე, თუ შევაჯერეთ ამ მონაცემებს დადასტურებულ შემთხვევებს და გაწერილ პაციენტებს შორის, ამ ეტაპზე 313 პაციენტი აგრძელებს მკურნალობას კოვიდის ცენტრებში," - განაცხადა მარინა ეზუგბაიამ.