ინფექციური საავადმყოფოს კლინიკური დირექტორის, მარინა ეზუგბაიას განცხადებით, COVID-19-ის ახალი დადასტურებული შემთხვევებიდან 5 პაციენტი ქობულეთის კლასტერს მიეკუთვნება, მეორე კლასტერი კი უცნობია.

"დღეს დილისთვის 296 დადასტურებული შემთხვევაა, აქედან ქვეყნის მასშტაბით 68 გაჯანმრთელებულია. ამ 296-დან 84 პაციენტი ჩვენია, გამოჯანმრთელებული 45 პაციენტი ჩვენი. თუ შევაჯერებთ ციფრებს, ამ ეტაპზე კოვიდ ცენტრებში 228 პაციენტი მკურნალობას დღევანდელი დილის მონაცემებით.

ჩვენთან გუშინ დღე-ღამის განმავლობაში 6 ახალი პაციენტი დაგვემატა. ქობულეთის კლასტერიდან შემოვიდა 5 პაციენტი, აქ ერთი მოზრდილია და 4 მოზარდია, მათი მდგომარეობა ჯერჯერობით დამაკმაყოფილებელია და იმედი გვაქვს, რომ ასე გაგრძელდება და ერთი შემოგვემატა სხვა კლასტერიდან, სულ ორი კლასტერია ჩვენთან ქობულეთის და მეორე კლასტერი ჩვენთვის უცნობია," - განაცხადა ეზუგბაიამ