ტოიოტა ცენტრი თეგეტა საქართველოს სალიზინგო კომპანიის მხარდაჭერით ტოიოტას ერთგულ მომხმარებლებს ავტომობილების შეძენის საუკეთესო ფასებსა და პირობებს სთავაზობს.

აქციის ფარგლებში ახალი ავტომობილის შეძენა შეგიძლიათ ყველაზე დაბალი საპროცენტო განაკვეთით, პირველადი შენატანისა და გაცემის საკომისიოს გარეშე, თანამონაწილეობა 0%-დან.

მომხმარებელს, აგრეთვე, შეუძლია, გაცვალოს თავისი კუთვნილი ნებისმიერი მარკისა და მოდელის ავტომობილი საბაზრო ღირებულებით და სხვაობის დამატებით გაიყვანოს მისთვის სასურველი მოდელის ახალი ტოიოტა. ჩაბარებული ავტომობილის საფასურს საქართველოს სალიზინგო კომპანია მომხმარებელს თანამონაწილეობის თანხად ჩაუთვლის, ხოლო დარჩენილ ნაწილზე გაკეთდება ლიზინგი, ზემოაღნიშნული სააქციო პირობების გათვალისწინებით. შეთავაზებები ძალაშია 28 თებერვლის ჩათვლით.

ამასთანავე, ტოიოტა ცენტრი თეგეტაში შეძენილ ჰიბრიდულ ძრავზე მომუშავე ავტომობილის ყველა მფლობელს გადაეცემა „მწვანე ბარათი“, რომლის მეშვეობითაც ისინი გახდებიან ტოიოტას მწვანე გზის კლუბის წევრები. რაც გულისხმობს, რომ ყოველ გავლილ 2 000 კმ-ზე, „აჯამეთის“ ტყე-პარკში მათ სახელზე დაირგვება 1 ასწლოვანი მუხა, რომელიც გადაშენების პირასაა. შემოუერთდით ტოიოტა თეგეტას CSR კამპანიას და ერთად ვიზრუნოთ გარემოზე.