თბილისის მერიასა და კომპანია თბილისის მიკროავტობუსს შორის შეთანხმება მიღწეულია. მიკროავტობუსების ჩანაცვლების პროცესი დაიწყება ისე, რომ მოსახლეობას მგზავრობის ტარიფი არ გაეზრდება.


კომპანია თბილსის მიკროავტობუსი მძიმე ფინანსური მდგომარეობის გამო ავტოპარკის ჩანაცვლების ერთადერთ გზად მგაზვრობის ტარიფის ცვლილებას მიიჩნევდა, რაც ასევე დადასტურებულია აუდიტორული დასკვნით. თუმცა დედაქალაქის მერიამ გაიზიარა რა ბიზნესის გართულებული მდგომარეობა მოხდა შეთანხმება რომ მგზავრობის ფასის ცვლილების გარეშე, მერია შემოიყვანს სამას მიკროავტობუსს, რომელიც მოემსახურება თბილისის მოსახელობას.



ამ ეტაპზე მიმდინარეობს მუშაობა ტექნიკურ საკითხებზე 300 ერთეული სატრანსპორტო საშუალების შესყიდვასთან დაკავშირებით. ამ შესყიდვას განახორციელებს მუნიციპალიტეტი და დედაქალაქის მგზავრებს მოემსახურება მუნიციპალიტეტის კუთვნილი მიკროავტობუსები. გარდა ამისა, შეთანხმებულია კომპანიასა და მერიას შორის რომ "თბილისის მიკროავტობუსი" ფინანსური მაჩვენებლების გაუმჯობესების შემდეგ დარჩენილ ავტოპარკსაც ჩაანაცვლებს და მერიის მიერ შეძენილ მიკროავტობუსების გამოსყიდვის პროცესსაც დაიწყებს.



აღნიშნულ პირობებზე "თბილისის მიკროავტობუსი" და დედაქალაქის მერია მემორანდუმს დღეს გააფორმებენ.