თბილისის საერთაშორისო კინოფესტივალის ფარგლებში, 2019 წლის 5 დეკემბერს, კინოთეატრ “ამირანში“ ნანა ჯორჯაძის სრულმეტრაჟიანი დოკუმენტური ფილმის - “ღვინის ნულოვანი მერიდიანი” - ეროვნული პრემიერა გაიმართება.

ფილმი შექმნილია საქართველოს სომელიეთა ასოციაციის მიერ, ღვინის ეროვნული სააგენტოსა და "მარანი ხეცურიანი"-ს ფინანსური მხარდაჭერით.

სცენარის ავტორია თამარ ბართაია, რეჟისორი - ნანა ჯორჯაძე, იდეის ავტორი - შალვა ხეცურიანი, დამდგმელი ოპერატორი - მიხეილ კვირიკაძე, აღმასრულებელი პროდიუსერი - ჟანა სარდლიშვილი.

ფილმის მთავარი გმირი, ახალგაზრდა ვაჟი, ემიგრაციაში წასვლას გეგმავს, რადგან თვლის, რომ ამ ქვეყანას მისი უკეთესი მომავლისთვის არანაირი პოტენცია არ გააჩნია. მამის თხოვნით, გამგზავრებას დროებით გადადებს და წინაპართა ნაკვალევზე მასალების შეგროვებას იწყებს. ასე აღმოჩნდება ,,ღვინის გზაზე’’ და ამ გზაზე საკუთარ სამშობლოსაც აღმოაჩენს.

ფილმმა - „ღვინის ნულოვანი მერიდიანი“- უკვე მოიპოვა ჯილდოები და ნომინირებული იყო საერთაშორისო კინოფესტივალებზე:

• London Independent Film Awards, გაერთიანებული სამეფო
• Los Angeles Film Independent Film Festival Awards, აშშ
• Hollywood International Independent Documentary Awards, აშშ
• Hollywood International Moving Pictures Film Festival, აშშ
• Barcelona Planet Film Festival, ესპანეთი
• DOCFEED, ნიდერლანდები
• Phoenix Film Festival Melbourne, ავსტრალია
• Festival International Oenovideo, საფრანგეთი
• MOST. Festival Internacional De Cinema del Vi i el Cava, ესპანეთი
• Wine Country Film Festival, აშშ
ამჯერად ფილმის ჩვენება გაიმართება თბილისის საერთაშორისო კინოფესტივალის ფარგლებში, კინოთეატრ ამირანში:

• 2019 წლის 5 დეკემბერს - 21:00 სთ-ზე

• დამატებითი ჩვენება 10 დეკემბერს - 19:30სთ-ზე და 20:30 სთ-ზე.

სხვა დამატებითი შეკითხვებისთვის დაუკავშირდით საქართველოს სომელიეთა ასოციაციის ადმინისტრაციას: 557908884 (ნესტან მიქაძე)