სამშენებლო კომპანია „აქსისის“ წინააღმდეგ დღეს საპროტესტო აქცია გაიმართება. აქციის მონაწილეები საბურთალოს ქუჩის გადაკეტვასაც გეგმავენ.

როგორც საინფორმაციო სააგენტო „ნიუსპრესს“ აქციის ორგანიზატორებმა აცნობეს, კომპანია აქსისმა, საბურთალოზე, სულხან ცინცაძის 26-ში, ოცდაერთ სართულიანი კორპუსის ასამდე ოჯახი ლიფტის გარეშე დატოვა.

„კომპანიის მიმართ არაერთი უშედეგო თხოვნისა და მოთხოვნის შემდეგ, კორპუსის მაცხოვრებლებმა მიიღეს ქუჩის გადაკეტვის გადაწყვეტილება პროტესტის ნიშნად.

კორპუსის წინ დღეს, 26 ნოემბერს, 19 საათზე კორპუსში მცხოვრები ასამდე ოჯახი გადაკეტავს ქუჩას, იმისთვის რომ აქსისს მოსთხოვოს მასზე დაკისრებული ვალდებულებების შესრულება, ასევე მერიას და საბურთალოს გამგეობას - კომპანიის მიმართ სათანადო რეაგირება“-აცხადებენ აქციის ორგანიზატორები.