დარბაზი ჯერ კიდევ დედოფალ ვიქტორიას მმართველობის დროს დაიკეტა. დღეს კი უკვე შესაძლებელია, აქაურობა ნებისმიერმა მსურველმა დაათვალიეროს, - ამის შესახებ გამოცემა The Daily Mail იუწყება.

მსოფლიოში ყველაზე ცნობილი, უძველესი და უნიკალური საცხოვრებელი ციხე-დარბაზი თითქმის ათასწლოვანი ისტორიის განმავლობაში უცვლელად იყო სამეფო ოჯახის რეზიდენცია. უინძორის, დაახლოებით, 1078 წლისთვის, ლონდონის ტაუერთან ერთად აშენდა. მას შემდეგ მუდმივად ხდებოდა მისი გაფართოება და იმ მოთხოვნებთან შესაბამისობაში მოყვანა, რომლებიც დროს მოჰქონდა.

რაც შეეხება უინძორის გრანდიოზულ შიდა დარბაზს (Inner Hall), იგი მოეწყო მეფე ჯორჯ IV-ის მმართველობისას 1820-იან წლებში და განკუთვნილი იყო სახელმწიფოთა მეთაურებისა და სხვა ოფიციალური სტუმრების მისაღებად.

1886 წელს დედოფალმა ვიქტორიამ დარბაზის დაკეტვის ბრძანება გასცა და სტუმრების მისაღებად უფრო პატარა ფართობის დარბაზი შეარჩია.

შიდა დარბაზის რეკონსტრუქციაზე არქიტექტორთა და რესტავრატორთა დიდი გუნდი მუშაობდა. მაგალითად, იმისთვის, რომ დამთვალიერებლებს XVII-XVIII საუკუნეების გენიალური სკულპტორის ფრენსის ბერნასკონის მიერ გამოკვეთილი ჭერი ეხილათ, რესტავრატორებს საღებავის არაერთი ფენის გადაცლა მოუხდათ.

ვინძორის ციხესიმაგრის სტუმრებს ასევე ექნებათ საშუალება, იმ დარბაზშიც შეიხედონ, სადაც ამჟამად დედოფალი ელისაბედ II მასპინძლობს ხოლმე სტუმრებს.

აქედანვე იშლება საოცარი ხედი ხეივანზე (Long Walk), რომლის სიგრძე 4,26 კილომეტრია და რომელიც ჯერ კიდევ მეფე კარლ II-ეს მმართველობისას 1680-იან წლებში გააშენეს.

აღდგენით სამუშაოებს ხელმძღვანელობდა ორგანიზაცია Royal Collection Trust, რომელიც დიდი ბრიტანეთის ამჟამინდელმა დედოფალმა 1993 წელს დააარსა.

***
სასარგებლო ინფორმაციას მშენებლობისა და რემონტის შესახებ, გაეცანით ვებგვერდებზე:

https://scaffolding.ge

https://www.goodworks.ge