სასტუმროში „შერატონ მეტეხი პალასი თბილისი“, დღეს საქართველოს განათლების, მეცნიერების, კულტურის და სპორტის სამინისტრო, გაერთიანებული სამეფოს კარგი მმართველობის ფონდთან (GGF) თანამშრომლობით, უმასპინძლებს სამუშაო შეხვედრას ძირითად დაინტერესებულ მხარეებთან, სადაც განხილული იქნება პროფესიული განათლებისა და გადამზადების დაფინანსების მოქმედი სქემა საქართველოში და საერთაშორისო კარგი პრაქტიკა. შეხვედრის მიზანია, რომ მიღწეული იქნას კონსენსუსი პროფესიული განათლებისა და გადამზადების დაფინანსების პოლიტიკასთან დაკავშირებით როგორც საშუალოვადიან, ისე გრძელვადიან პერსპექტივაში.

შეხვედრას გახსნიან განათლების, მეცნიერების, კულტურის და სპორტის მინისტრის მოადგილე, ბ-ნი გიორგი ვაშაკიძე, PwC-ის დირექტორი და GGF-ის გუნდის ხელმძღვანელი საქართველოში, ქ-ნი თამთა შერმადინი და GGF-ის პროექტის ხელმძღვანელი, ბ-ნი ოლივერ დისი. საკონსულტაციო შეხვედრას დაესწრებიან განათლების სამინისტროს, განათლების ხარისხის განვითარების ეროვნული ცენტრის, პროფესიული და უმაღლესი საგანმანათლებლო დაწესებულებებისა და დონორი და საერთაშორისო ორგანიზაციების წარმომადგენლები.