მსოფლიოს ერთ-ერთი ყველაზე სენსაციური შენობა გაერთიანებული საამიროების დედაქალაქ აბუ დაბისთან მდებარეობს, 2006 წელს არაბთა გაერთიანებული საამიროების უმსხვილესმა საინვესტიციო კომპანიამ Aldar Properties PJSC, კომპაია Ferrari-სთან ერთად, გასართობ-ტურისტული კომპლექსის Yas Island-ის პროექტის დაწყების შესახებ გამოაცხადა.
ფერარის თემატური პარკი აბუ დაბის აღმოსავლეთ სანაპიროზე, ხელოვნურ კუნძულ იას-ზეა გაშენებული.

Yas Island, შეიძლება ითქვას, არქიტექტურისა და მშენებლობის მსოფლიო პრემიერად იქცა.
Ferrari World-ის შენობის დიზაინი, რომელიც Ferrari-ს ძარას ჰგავს, ბრიტანულ არტქიტექტურულ ბიურო Benoy-ს ეკუთვნის.

პარკის გრანდიოზული სახურავის ფართობი 210 000 კვ. მეტრია; ამას დამატებული - მეტალის ფასადი - 21 000 კვ.მ.;

ასეთი გიგანტური და ურთულესი სახურავის მონტაჟი გერმანულმა კომპანიამ Interfalz®-მა განახორციელა, რომელიც მაშინ, სხვათა შორის, საშუალო ბიზნესის კატეგორიაში ირიცხებოდა.
Interfalz®-ს ძალიან მაღალი მოთხოვნები უნდა დაეკმაყოფილებინა, მათ შორის - თბოიზოლაციის (თუ გავითვალისწინებთ, რომ იქ ტემპერატურა 60-62 გრადუსსაც აღწევს, შენობაში კი მუდმივად 25 გრადუსი უნდა ყოფილიყო) და ხმის იზოლაციის მხრივ.
ასევე უმაღლესი მოთხოვნები წაუყენეს კომპანიას Euramax-ს, რომელსაც მეტალის სახურავის შეღებვა დაევალა. სახურავის ხასხასა წითელ ფერს ულტრაიისფერი სხივები არ უნდა „დამუქრებოდა“.

სახურავს ამშვენების ფერარის ლოგოტიპი, რომლის ზომებია 65 მეტრი 48,5 მეტრზე - ეს არის კომპანიის ყველაზე დიდი ლოგოტიპი მათ შორის, რაც კი ოდესმე შქმნილა.

Ferrari World-ის სახურავის „მსოფლიო პრემიერა“ გაიმართა 2009 წლის 1 ნოემბერს, როცა იგი მსოფლიოს ტელემაყურებელმა ფორმულა 1-ის იმ სეზონის გადამწყვეტი რბოლის დროს იხილა.
Ferrari World-ის პროექტის ხელმძღვანელი არტქიტექტურულ ბიურო Benoy-დან მაიკ ლუისი ამბობს, რომ მშენებლებისთვის ყველაზე დიდ გამოწვევას სახურავი და მისი ფორმა წარმოადგენდა.

ამით უნდა ეჩვენებინათ, რაოდენ მნიშვნელოვანია Ferrari. მისივე თქმით, ყველას, ვინც ამ პროექტში მონაწილეობდა, შეუძლია, სიამაყით მიიხედოს უკან და დამსახურებულად დატკბეს იმ ფაქტით, რომ ამ საოცარი ქმნილების ნაწილია.

სახურავების შესახებ ძალიან ბევრი და საინტერესო ინფორმაცია შეგიძლიათ, წაიკითხოთ ვებგვერდზე: https://metalokramiti.ge/