ახალმა ტელევიზიამ GDS TV-მ საცდელი მაუწყებლობა უკვე დაიწყო. აღნიშნული ტელეარხის დამფუძნებელი კოალიცია „ქართული ოცნების“ ლიდერის ბიძინა ივანიშვილის ვაჟი, რეპერი ბერა ივანიშვილია.

როგორც „ნიუსპრესს“ არხის პროდიუსერმა ელენე კოლელიშვილმა განუცხადა, GDS TV-მ საცდელი მაუწყებლობა გუშინ დაიწყო და მისი მიზანი ტელეეთერით ახალი ნიჭიერი სახეების აღმოჩენაა.

„ტელევიზია გასართობ-შემეცნებითი ფორმატისაა და ის 24 საათის განმავლობაში მაუწყებლობს. საცდელი მაუწყებლობით 14 აგვისტოს გავედით, სექტემბრიდან კი, გადაცემების ბადეს ნელ-ნელა შევავსებთ“-განაცხადა კოლელიშვილმა.

მისივე თქმით, მანამდე, ეთერში მუსიკალური ვიდეორგოლები და არხის შეფუთვა იტრიალებს, ასევე, ნაჩვენები იქნება ანონსები და წამყვანების პრომო რგოლები.

კოლელიშვილის თქმით, აღნიშნულ არხზე მაყურებელი ცნობილ სახეებსაც იხილავს.