ლანჩხუთის მუნიციპალიტეტში, მონიტორინგის მიზნით, რეგიონული განვითარებისა და ინფრასტრუქტურის სამინისტროს რეგიონული პროექტების მართვის დეპარტამენტის უფროსი ირაკლი თოფურია იმყოფებოდა.

ირაკლი თოფურია გურიის მხარეში სახელმწიფო რწმუნებულის მოადგილე აკაკი შენგელიასთან, ლანჩხუთის მუნიციპალიტეტის მერ ალექსანდრე სარიშვილთან და ინფრასტრუქტურისა და სივრცითი მოწყობის სამსახურის უფროს ლევან ჩხაიძესთან ერთად, ლანჩხუთის მუნიციპალიტეტში მიმდინარე ინფრასტრუქტურულ პროექტებს გაეცნო.

სტუმრებმა ადგილზე დაათვალიერეს ქალაქ ლანჩხუთში, კუპრეიშვილისა და ჟორდანიას ქუჩებზე მრავალბინიანი სახლების სახურავების სარეაბილიტაციო სამუშაოები, ებრალიძის ქუჩაზე სანიაღვრე არხების მოწყობა, გვიმბალაურში საფეხბურთო აკადემიის მშენელობა, ლესაში, სოფლის პროექტით მიმდინარე კულტურის ცენტრის რეაბილიტაცია.

ირაკლი თოფურიას თქმით, ლანჩხუთი უნდა იყოს ერთ-ერთი თვალსაჩინო მუნიციპალიტეტი საქართველოში.