დღეს,14:00 საათზე ქართულ-ებრეაული ისკოლის, „ორ ავნერის“ ახალი შენობის გახსნის ცერემონიალი გაიმართება. ისრაელის საელჩოს ცნობით, გახსნას დაესწრებიან ისრაელის ელჩი საქართველოში, ბატონი შაბთაი ცური, ევრაზიის ებრაული კონგრესის პრეზიდენტი, ბატონი მიხეილ მირელაშვილი, ვიცე პრეზიდენტი აარონ ფრენკელი, კონგრესის სხვა საპატიო წარმომადგენლები, რაბინები, ებრაული თემის წარმომადგენლები.

ქართულ ებრაული სკოლა "ორ ავნერი" თხუთმეტი წელიწადია, ფუნქციონირებს და გარდა ეროვნული სასწავლო გეგმით გათვალისწინებული საგნებისა, მოსწავლეები დამატებით ეუფლებიან ივრითს, ებრაულ ტრადიციებს, მეცნიერებასა და უნარებს.

სკოლა ორიენტირებულია სწავლების პროცესში თანამედროვე, ინოვაციური, ელექტრონული რესურსების გამოყენებასა და მოსწავლეზე ორიენტირებული სწავლების მეთოდოლოგიაზე.

ევრაზიის ებრაელთა კონგრესი საერთაშორისო ორგანიზაციაა, რომელიც ევრაზიაში მცხოვრებ ებრაელებს ეხმარება, აქტიურადაა ჩართული საზოგადოებრივ ცხოვრებაში და სხვადასხვა საერთაშორისო ორგანიზაციაში რეგიონის ებრაულ თემებს წარმოადგენს.

საქართველოში ებრაული სკოლის გახსნა კიდევ ერთი საშუალებაა ქვეყანაში ებრაული თემის გაძლიერებისა და ებრაული მრავალსაუკუნოვანი ტრადიციების შენარჩუნებისთვის.