მთელი ქვეყნის მასშტაბით, მომავალ კვირაში ცხელი ამინდები შენარჩუნდება.

როგორც „ნიუსპრესს“ გარემოს ეროვნული სააგენტოს მონიტორინგისა და პროგნოზირების ცენტრში განუცხადეს, დღეს საღამოდან დასავლეთ საქართველოს უმეტეს, ხოლო აღმოსავლეთ საქართველოს ზოგიერთ რაიონში ხანმოკლე წვიმა ელ-ჭექითაა მოსალოდნელი.

სინოპტიკოსების თქმით, დასავლეთ საქართველოში ხვალიდან ტემპერატურა შედარებით დაიკლებს, აღმოსავლეთში კი, ცხელი ჰაერის მასები შენარჩუნდება.

საღამოსა და ღამის საათებში ხანმოკლე წვიმა აღმოსავლეთ საქართველოშიც დაფიქსირდება, თუმცა, უახლოეს დღეებში, მაღალი ტემპერატურა შენარჩუნდება.

რაც შეეხება დასავლეთ საქართველოს ტემპერატურას, სინოპტიკოსების განცხადებით, საზღვაო კურორტებზე მომავალ კვირაში, 36 გრადუსია ნავარაუდევი.