სენაკის მუნიციპალიტეტის მერიის სხდომათა დარბაზში თათბირი ჩატარდა, რომელსაც სენაკის მუნიციპალიტეტის მერი, ლევან კუპრეიშვილი უძღვებოდა.

თათბირს მერის მოადგილე, კახაბერ კუპრეიშვილი, მერიის სამსახურებისა და განყოფილებების ხელმძღვანელები, მერის წარმომადგენლები ადმინისტრაციულ ერთეულებში და მუნიციპალური ა(ა).ი.პ-ების დირექტორები დაესწრნენ.

მუნიციპალიტეტის მერმა მოისმინა ინფორმაციები ქალაქსა და ადმინისტრაციულ ერთეულებში არსებული პრობლემების, მიმდინარე სამუშაოების, სხვადასხვა სფეროში განხორციელებული და დაგეგმილი სოციალური, ინფრასტრუქტურული და კულტურული პროექტების შესახებ.

ლევან კუპრეიშვილმა მუნიციპალიტეტის წინაშე მდგარი პრობლემების ეფექტურად გადაჭრის გზებზე ისაუბრა, ასევე მიმდინარე და განსახორციელებელი პროექტების განხორციელებასთან დაკავშირებული მითითებები გასცა.