ვაჟა კაჭარავას სახელობის ფრენბურთის არენაზე, სასკოლო და ახალგაზრდულ გუნდებს შორის ფრენბურთის ტურნირი - „დიდუბე 2018“ ჩატარდა. ტურნირი სამი დღის განმავლობაში მიმდინარეობდა და მასში მონაწილეობა დიდუბის რაიონის ტერიტორიაზე რეგისტრირებულმა ახალგაზრდებმა მიიღეს. სასკოლო ტურნირის გამარჯვებული N155-ე სკოლის გუნდი გახდა, ხოლო მეორე და მესამე საპრიზო ადგილები N140-ე და N130-ე სკოლის გუნდებმა გადაინაწილეს. ახალგაზრდული ტურნირის გამარჯვებული გუნდი „ლელო“ გახდა. გამარჯვებულ გუნდებს დიდუბის რაიონის გამგეობის, ფრენბურთის ფედერაციისა და მერიის სპორტისა და ახალგაზრდობის საქმეთა საქალაქო სამსახურის წარმომადგენლებმა თასები, მედლები, სიგელები და სპორტული მაღაზიის ვაუჩერები გადასცეს.