ხევსურეთში, დათვისჯვრის უღელტეხილთან მომხდარი ავტოავარიის შედეგად 16 ადამიანი დაშავდა, მათ შორის უმეტესობა მოზარდია.

როგორც „ნიუსპრესს“ მცხეთა-მთიანეთის გუბერნატორის მოადგილემ გივი ამირხანაშვილმა განუცხადა, დაშავებულებიდან ოთხის მდგომარეობა შედარებით მძიმეა.

ავარის დროს დაშავებულები მცხეთისა და დუშეთის საავადმყოფოებში არიან მოთავსებულები, ხოლო სამი ახალგაზრდა ღუდუშაურის სახელობის კლინიკაში გადაიყვანეს.

ექიმების განცხადებით, დაშავებულების მდგომარეობა საშუალო სიმძიმისაა და მათ სიცოცხლეს საფრთხე არ ემუქრება.

ავარია წუხელ, გვიან ღამით მოხდა. სამარშუტო ტაქსით თბილისის 43-ე საჯარო სკოლის მოსწავლეები და მათი პედაგოგი შატილიდან უკან ბრუნდებოდნენ, როდესაც სატრანსპორტო საშუალებას სამუხრუჭე სისტემამ უმტყუნა და ის დაახლებით 70 მეტრის სიმაღლიდან ხევში გადავარდა.

ინციდენტის ადგილზე მობილიზებული იყო სამაშველო და სასწარაფო დახმარების სამსახურები. ადგილზე იმყოფებოდნენ აგრეთვე ადგილობრივი ხელისუფლების წარმომადგენლებიც.