ლონდონის ოლიმპიადაზე დღეს ჩოგბურთელი ანა ტატიშვილი მეორე ტურის შეჯიბრში იასპარეზებს.
ტატიშვილი ჩოგბურთში ერთეულთა შორის გამოვა, რის  შემდეგაც მეწყვილე მაკა ჩახნაშვილთან ერთად, წყვილთა თანრიგის ტურნირის პირველ წრეში სლოვენიის წარმომადგენლებს კატარინა სრებოტნიკსა და ადრეა კლეპაჩს შეხვდება. შეჯიბრი თბილისის დროით 14:30 სააათზე დაიწყება.

დღესვე, ოლიმპიადაზე პირველ შეხვედრას ძიუდოისტი ნუგზარ ტატალაშვილი (73 კგ. წონით კატეგორია) გამართავს, რომელიც კორეელ მსოფლიოს ორგზის ჩემპიონსა და ოლიმპიური ვერცხლის მედალოსან კი-ჩუნ ვანგთან თბილისის დროით 12:30 საათზე დაიწყება.

გუშინ ლონდონის ოლიმპიადის ჩოგბურთელთა ტურნირში ანა ტატიშვილმა პირველი წარმატება მოიპოვა.

უიმბლდონის ბალახის კორტებზე მიმდინარე ასპარეზობის პირველ წრეში 22 წლის ქართველმა სპორტსმენმა იოლად დაამარცხა ლიხტენშტეინელი შტეფი ფოგტი - 6:2, 6:0.

მეთექვსმეტედფინალში ტატიშვილის მეტოქე ჩი ჟენსა (ჩინეთი) და ნადია პეტროვას (რუსეთი) შორის გამარჯვებული იქნება.

ქართველმა ძიუდოისტმა ლაშა შავდათუაშვილმა ლონდონის ოლიმპიადაზე გუშინ ოქროს მედალი მოიპოვა.