ძიუდოისტმა ლაშა შავდათუაშვილმა პირველი შეხვედრა სუფთად, 1:39 წუთში მოიგო. ქართველი სპორტსმენი დღესვე ფრანგ მეტოქეს შეხვდება.
რაც შეეხება მსროლელ ნინო სალუქავაძეს ევროპის სამგზის, მსოფლიოსა და ოლიმპიური ჩემპიონი პნევმატური იარაღიდან მსროლელთა 8 საუკეთესოს მიღმა აღმოჩნდა.
თუმცა, სალუქვაძეს ოლიმპიადაზე მედლის მოპოვების შესაძლებლობა კიდევ რჩება. იგი 1-ელ აგვისტოს სპორტული პისტოლეტით შეჯიბრში მიიღებს მონაწილეობას.
დღესვე, ლონდონის ოლიმპიადაზე ჩოგბურთელი ანა ტატიშვილი ინდივიდუალურად იასპარეზებს, ხოლო წყვილთაშორის შეჯიბრში მას მაკა ჩახნაშვილი გაუწევს პარტნიორობას.
ამ დროისთვის ლონდონის ოლიმპიურ თამაშებში ჩინეთი 4 ოქროს მედლით ლიდერობს, მას იტალია 2 ოქროთი და აშშ - ერთი ოქროს მედლით მიჰყვება.
გუშინ, ოლიმპიადას გამოეთიშა ქართველი ძიუდოისტი ბეთქილ შუკვანი, ხოლო მოკრივე მერაბ თურქაძემ მძიმე წონის ნორმატივები ვერ ჩააბარა და ოლიმპიადიდან მოხსნეს. ასევე, შეჯიბრს 100 კილომეტრით ადრე ველომრბოლელი გიორგი ნადირაძე გამოეთიშა.