ივანე ჯავახიშვილის სახელობის თბილისის სახელმწიფო უნივერსიტეტის ორგანიზებით ოკუპაციური თერაპიის მხარდასაჭერად გაიმართება „წრე ლისზე - ოკუპაციური თერაპიის მხარდასაჭერად“.

ოკუპაციური თერაპიის მსოფლიო დღის აღსანიშნავად, გაიმართება გარბენი, რომლის მიზანია ქვეყანაში ოკუპაციური თერაპიის პროფესიის მიმართ ცნობადობის ამაღლება და დარგის პოპულარიზაცია. ოკუპაციური თერაპევტები ადამიანისთვის მნიშვნელოვან საქმიანობებს თერაპიულ საშუალებად იყენებენ. ოკუპაციური თერაპია პიროვნებაზე ცენტრირებული პროფესიაა, რომელიც ხელს უწყობს განსხვავებული შესაძლებლობის მქონე პირებს ანდა მოწყვლად ჯგუფებს, ჩაებან მათთვის მნიშვნელოვან საქმიანობებში და მოახდინონ საკუთარი თავის რეალიზება.

დიპლომირებული ოკუპაციური თერაპევტები მხოლოდ თსუ-ს კურსდამთავრებულნი არიან. ოკუპაციური თერაპიის საბაკალავრო პროგრამა თსუ-ში 2006 წლიდან მოქმედებს. დღეს მთელ საქართველოში სულ 31 ოკუპაციური თერაპევტია. ღონისძიების მიზანია გაიზარდოს ოკუპაციურ თერაპევტთა რაოდენობა, რაც ქვეყნის განვითარების მაღალი დონის მაჩვენებელია.

ოკუპაციური თერაპევტები ეხმარებიან ადამიანებს, რომლებიც დამოუკიდებლად ვერ ახორციელებენ მათთვის მნიშვნელოვან და საინტერესო საქმიანობას. სიტყვა “occupation” ინგლისურიდანნ ითარგმნება როგორც „საქმიანობა“. ლისის ტბის გარშემო მოეწყობა გარბენი, რომელშიც სხვადასხვა სესაძლებლობის მქონე პირები მიირებენ მონაწილეობას. ამ გარბენით მოხდება ერთობის დემონსტრირება.