ორგანიზაცია „მწვანეთა მოძრაობა/დედამიწის მეგობრები“-ს თავმჯდომარის, ნინო ჩხობაძის განცხადებით, პროექტი „მწვანე პოლიტიკა - ეკოტრანსპორტი“ სწორი და დრულია.

„ძალიან საინტერესო და საგულისხმო პროექტია, ერთ-ერთი მთავარი საკითხია მიწისზედა მეტროს განვითარება თბილისში და ამისთვის შემოვლითი რკინიგზის გამოყენება. მთლიანობაში, სწორი და დროული კონცეფცია შემოგვთავაზა დღეს პრემიერმა.

დღეს იყო განხილული ტრანსპორტის საკითხები თბილისთან მიმართებაში. მთავარი თემაა ელექტრომობილების შემოყვანა და ავტოპარკის 90%-მდე ნელ-ნელა შეცვლა. ეს არის ერთერთი ძალიან მნიშვნელოვანი საკითხი და მომგებიანია იმ თვალსაზრისით, რომ ჰაერი უფრო სუფთა იქნება. მეორე თემა რომელიც იყო მნიშვნელოვანი და უფრო დეტალური, თბილისის სატრანსპორტო მაგისტრალებს უკავშირდება. გარემოსდამცველებისთვის მსგავსი პროექტები მნიშვნელოვანია და მხარდაჭერილი იქნება ჩვენგან,” - განაცხადა ჩხობაძემ.