ივანე ჯავახიშვილის სახელობის თბილისის სახელმწიფო უნივერსიტეტში ჟურნალის „თსუ მეცნიერება“ მეორე ნომრის პრეზენტაცია გაიმართა.

ჟურნალის მეორე ნომერში წარმოდგენილია ინფორმაცია კვლევებზე ჰუმანიტარული მეცნიერებიდან ზუსტ და საბუნებისმეტყველო მეცნიერებამდე, მედიცინიდან ეკონომიკამდე და სოციალურ მეცნიერებამდე.

ჟურნალის პრეზენტაციას თსუ-ს რექტორი ალექსანდრე კვიტაშვილი, განათლებისა და მეცნიერების მინისტრის მოადგილე ნოდარ სურგულაძე და სხვები დაესწრნენ.

„ჟურნალის პირველმა ნომერმა, რომელიც გასული წლის დეკემბერში გამოიცა, საკმაოდ დიდი ინტერესი დაიმსახურა. ახალ გამოცემაში მრავალფეროვანი თემატიკის იმ კვლევებსა და გამოგონებებზეა საუბარი, რომელშიც თსუ-ს მეცნიერები მონაწილეობენ”- აღნიშნა რექტორმა ალექსანდრე კვიტაშვილმა.

ჟურნალი „თსუ მეცნიერება“ ორენოვანია და განკუთვნილია როგორც ქართველი, ასევე, უცხოელი აუდიტორიისთვის. შემდეგი ნომრის გამოშვება 2012 წლის დეკემბრისთვის იგეგმება.