იყალთოს სამონასტრო კომპლექსში საქართველოს პრემიერ-მინისტრმა მამუკა ბახტაძემ და განათლების მინისტრმა, მიხეილ ბატიაშვილმა განათლების სისტემის რეფორმის პრეზენტაცია გამართეს.
პრემიერის თქმით, მხოლოდ განათლების სექტორის ფუნდამენტური რეფორმით არის შესაძლებელი საქართველო განვითარებული ეკონომიკის ქვეყნების რიცხვში შევიდეს.

„დღეს, იყალთოს სამონასტრო კომპლექსში, უძველესი საგანმანათლებლო კერის ადგილზე, გვქონდა განათლების სისტემის რეფორმის პრეზენტაცია, რომელიც შეეხება ამ სფეროს ძირეულ ცვლილებას. ჩვენ მხოლოდ განათლების სექტორის ფუნდამენტური რეფორმით შევძლებთ საქართველო შევიყვანოთ განვითარებული ეკონომიკის ქვეყნების რიცხვში. იყალთო არის მაგალითი იმისა, რომ ჩვენი ქვეყანა ისტორიულად ყოველთვის იყო განათლებისა და მეცნიერების კერა. ჩვენ უნდა გავაგრძელოთ წინაპრების ტრადიცია, გამოვიყენოთ ეს საძირკვლად და დავაშენოთ განათლების ინოვაციური რეფორმა, რომელიც გავრცელდება ამ სფეროს ყველა მიმართულებაზე: ადრეულ და სკოლამდელ განათლებაზე, ზოგად განათლებაზე, პროფესიულ განათლებაზე, უმაღლეს განათლებასა და მეცნიერებაზე. ამ რეფორმის განხორციელება კი მხოლოდ თქვენი, ქართული საზოგადოების სრული ჩართულობითაა შესაძლებელი“- განაცხადა პრემიერმა.