„გაბრიელისა და პეტრე მოციქულის ფონდის“ დირექტორი თამარ იარაჯული აუტიზმის ცენტრის მშენებლობაში მხარდაჭერისთვის სახელმწიფო უსაფრთხოების სამსახურს მადლობას უხდის.

„ოცნებას, რომელსაც აუტიზმის ცენტრის მშენებლობა ერქვა, ხორცი არასდროს შეესხმებოდა რომ არა ორი ძალიან კარგი ადამიანი - ვახტანგ გომელაური და სოსო გოგაშვილი. მთელს უსაფრთხოების სამსახურს, მადლობა მათ მხარდაჭერისთვის, ჩვენი პრობლემების გაზიარებისთვის, გულთან ახლოს მიტანისთვის. ეს ადამიანები მაშინ გავიცანი, როდესაც ჩემს ცხოვრებაში უმძიმესი პერიოდი იყო. არ ვიცოდი, რა უნდა მექნა ჩემი შვილისთვის, ვიყავი უიმედო მდგომარეობაში, თითქოს ღმერთმა გამომიგზავნა და მას შემდეგ ჩვენი ცხოვრება რადიკალირად შეიცვალა. მე მაქვს იმედი და ეს იმედი მათი დიდი მხარდაჭერის დამსახურებაა. მე არ შემიძლია ამ სიკეთის გადახდა არც მათვის და არც ჩვენი ქვეყნისთვის, უბრალოდ, ასე საჯაროდ ვდებ პირობას და ღრმად მწამს, რომ ამ საქმეს ბოლომდე მივიყვან და ჩვენს ქვეყანას ექნება ერთ-ერთი ყველაზე წარმატებულო აუტიზმის ცენტრი რეგიონში. მათთვის არ არის უცხო ეს პრობლემა, ეს ადამიანები მუდამ უანგაროდ ეხმარებიან ბევრ სასოწარკვეთილებაში ჩავარდნილ ადამიანს. მჯერა, მხარდაჭერა მომავალშიც გაგრძელდება. მადლობა დიდი არაფერია ამ მოცემულობაში, მეტი არაფერი შემიძლია, გარდა ჩემი თავდაუზოგავი შრომისა” - წერს თამარ იარაჯული ფეისბუქის საკუთარ გვერდზე.

პრემიერ-მინისტრ მამუკა ბახტაძის ინიციატივით, აუტიზმის სპექტრის მქონე ბავშებისა და მოზარდებისთვის ცენტრის ასაშენებლად საქართველოს მთავრობამ „მთავარანგელოზ გაბრიელისა და პეტრე მოციქულის სახელობის ფონდს“ 3000 კვადრატული მეტრი მიწა გადასცა.