საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის დავით სერგეენკოს განცხადებით,  C ჰეპატიტის აღმოფხვრის პროგრამაში გენეტიკური კვლევის დაფინანსება დაიწყება.

ამის შესახებ სერგეენკომ განცხადება მთავრობის სხდომის შემდეგ გააკეთა.

ამასთან, სერგეენკო მოსახლეობას ურჩევს, ეს შესაძლებლობა აუცილებლად გამოიყენონ.
"კიდევ ერთი სიახლე არის ის, რომ C ჰეპატიტის აღმოფხვრის პროგრამაში ჩვენ შემდეგი ეტაპის დიაგნოსტიკის დაფინანსებას დავიწყებთ მოსახლეობისთვის, ეს არის გენეტიკური კვლევა, რომელიც 140 ლარი ჯდებოდა. მოსახლეობა ამ 140 ლარს აღარ დახარჯავს, არამედ ამას სახელწიფო დახარჯავს.
მინდა, ვუთხრა ყველას, გამოიყენონ ეს უნიკალური შანსი, რომელიც უსასრულოდ არ გაგრძელდება და არ აღმოჩნდეს ისე, რომ ისინი ამ დაავადებასთან ერთი ერთზე არ დარჩნენ", – განაცხადა დავით სერგეენკომ.