პარლამენტის თავმჯდომარე, ირაკლი კობახიძე უწმინდესსა და უნეტარესს, ილია მეორეს ილიაობას ულოცავს.
კობახიძის თქმით, პატრიარქის გვერდში დგომასა და მამობრივ მზრუნველობას ყოველთვის გრძნობდა ქართველი ერი.


„დღეს ილიაობაა - საქართველოს მართლმადიდებელი ეკლესია სრულიად საქართველოს კათოლიკოს-პატრიარქის, ილია II- ის ანგელოზის დღეს, წმინდა ილია მართლისა და წინასწარმეტყველ ელია თეზბიტელის ხსენებას აღნიშნავს.



თქვენო უწმინდესობავ, გულითადად გილოცავთ ანგელოზის დღეს. დღევანდელი დღესასწაული განსაკუთრებული მნიშვნელობისაა ჩვენთვის. თქვენი სიცოცხლე სამშობლოს მიუძღვენით და თქვენს მტკიცე გვერდში დგომასა და მამობრივ მზრუნველობას ყოველთვის გრძნობდა ქართველი ერი. სწორედ უფლის ნება იყო, რომ 40 წლის წინ, საქართველოს ეკლესიას ჩაუდექით სათავეში, საქართველო კი ჭეშმარიტად იღბლიანი ქვეყანა, რომ ერის სულიერი მამა თანამედროვეობის ერთერთი უდიდესი სასულიერო მოღვაწე გახდა.



თქვენო უწმინდესობავ, გისურვებთ ჯანმრთელობას და ხანგრძლივ სიცოცხლეს ჩვენი ქვეყნისა და ერის საკეთილდღეოდ.