ნინოწმინდის მუნიციპალიტეტის მერიას კულტურის, სპორტის, განათლების, ძეგლთა დაცვის, ტურიზმის და ახალგაზრდთა საქმეთა სამსახურის მიერ სოფელ სათხაში 17დან 20 ივლისის ჩათვლით მინი ფეხბურთის ღია ჩემპიონატი გაიმართა.
ჩემპიონატზე ასპარეზობდნენ ნინოწმინდის, ახალქალაქის და წალკის მუნიციპალიტეტებიდან წარდგენილი გუნდები.
ტურნირზე სულ 16 გუნდი იღებდა მონაწილეობას, აქიდან 13 გუნდი ნინოწმინდის მუნიციპალიტეტიდან იყო, 2 გუნდი ახალქალაქის, ხოლო 1 გუნდი წალკის მუუნიციპალიტეტიდან იღებდა მონაწილეობას.
საპრიზო ადგილებისთვის თამაში 20 ივლისს შედგა, რომელსაც ნინოწმინდის მუნიციპალიტეტის მერი ქალბატონი ანი მოსოიანი ესწრებოდა, ფინალში ერთმანეთს ახალქალაქის და ხოჯაბეგის ნაკრები გუნდები დაუპირისპირდნენ, სადაც გამარჯვება ახალქალაქელთა გუნდმა მოიპოვა, ხოჯაბეგის გუნდი მეორე ადგილას გავიდა, ხოლო მესამე ადგილს ახალქალაქის ახალგაზრდული გუნდი "აბული" დასჯერდა.
გამარჯვებულ გუნდებს ნინოწმინდის მუნიციპალიტეტის მერიას მიერ გადაეცათ სიგელები და მედლები, ხოლო ჩემპიონ გუნდს მერმა ქალბატონმა ანი მოსოიანმა თასი გადასცა.
ნინოწმინდის კულტურის ცენტრთან არსებული მედოლეების ჯგუფის მიერ საზეიმოდ გაიხსნა თამაში.
საუკეთესო მოთამაშეებს კი გადაეცათ ინდივიდუალური ჯილდოები, რომლის საშუალებითაც მოხდა ახალგაზრდა თაობების წახალისება და სპორტული ცხოვრებისკენ მოწოდება.