რეგიონალური განვითარებისა და ინფრასტრუქტურის მინისტრის, მაია ცქიტიშილის განცხადებით, დათვალიერების შემდეგ, გზების შესანარჩუნებლად ზომები იქნა მიღებული.
მისივე თქმით, სტიქიის შედეგად სულ 6 ხიდია წაღებული.
ამის შესახებ ცქიტიშილმა სოფელ ჭუბერში, სტიქიის ადგილზე განაცხადა.
„დავათვალიერეთ და მივიღეთ ის ზომები, რომ, პირველ რიგში, შეგვენარჩუნებინა გზების ის მონაკვეთები, რომლებსაც საფრთხე ემუქრებოდა. ჩვენ მოვახერხეთ, რომ გადაგვერჩინა ერთ-ერთი მონაკვეთი.
რაც შეეხება ხიდებს, წაღებულია 6 ხიდი, რამდენიმე არის სამანქანე, რამდენიმე კი საფეხმავლო. ამ ეტაპზე ხიდის აღდგენით სამუშაობეს ვერ ვიწყებთ, თუმცა პროექტირება მიმდინარეობს. ჩვენ გვაქვს დროებითი ხიდის კონსტრუქცია, რომლის ადგილის შერჩევა ხორციელდება“- განაცხადა ცქიტიშვილმა.
შეგახსენებთ, რომ გუშინ ჭუბერში მთა ჩამოიშალა, რის შედეგადაც მდინარე ნენსკრა კალაპოტიდან გადმოვიდა. სტიქიის შედეგად დაზიანდა ხიდები და გზები.