გამოცდების ეროვნული ცენტის ხელმძღვანელის, მაია მიმინოშვილის განცხადებით, კონდიცირების სისტემა პილოტირების რეჟიმში წელს მხოლოდ რუსთავში მოეწყო.
მისივე თქმით, საგამოცდო ცენტრებში ტექნიკა დღის ბოლომდე გამართული იქნება.
„მინისტრის პირადი ინიციატივა იყო კონდინცირების სისტემა შემოეღო ყველა საგამოცდო ცენტრში, მაგრამ წელს, პილოტირების რეჟიმში რუსთავის საგამოცდო ცენტრიდან დაიწყო, იმიტომ რომ რუსთავის საგამოცდო ცენტრი არის, ასე ვთქვათ, ყველაზე ცხელი.
ყველა საგამოცდო ცენტრში გამართულია ტექნიკა, უფრო სწორად, ბოლო დღეა, როცა გამართული უნდა იყოს ტექნიკა, და ხვალ, 30 ივნისს, დაგეგმილი გვაქვს ტექნიკური რეპეტიცია, როცა ყველა საგამოცდო ცენტრის თანამშრომელი იქნება ადგილზე და ჩვენ შევამოწმებთ ამას.
პირობითად ვამბობ, თუ გამოცდა 9 საათზეა, აბიტურიენტი აუცილებლად 8 საათზე უნდა გამოცხადდეს საგამოცდო ცენტრში. აბიტურიენტმა უნდა მოიტანოს წყალი აუცილებლად პლასტმასის ბოთლით“ - განაცხადა მაია მიმინოშვილმა.
ერთიანი ეროვნული გამოცდები წელს 2 ივლისს დაიწყება.