"თავისუფალი საქართველოს" ქუთაისის ორგანიზაციის თავმჯდომარემ გოგი წულაიამ ხაშურის, ფოთის და წყალტუბოს საკრებულოებს მახათები ფოსტით გაუგზავნა. წულაიას განცხადებით, რეგიონებში რამდენიმე საკრებულოს მიერ ცხოველთა მოვლის წესებთან დაკავშირებით მიღებული დადგენილებები მათსავე უსაქმურობაზე მიუთითებს.
"ყველამ ვიცით, საკრებულოებმა რა დადგენილებები, ნორმატიული აქტებიც მიიღო. რაც ნიშნავს იმას, რომ მათ მიერ იყო დემონსტრირებული, რომ უსაქმურები არიან. ქართული გამონათქვამია, "უსაქმური კაცი ყვ...ში მახათს იყრიდაო", ხოდა ვუყიდე მახათები და ხაშურის, ფოთის, წყალტუბოს საკრებულოებში გავაგზავნი. ქუთაისს კი თავად ჩავუტან. ბოდიში, მახათები ყველას საყოფი არაა, რადგან ძალიან ბევრი უსაქმურია და ვერ გავწვდი, თუმცა ვურჩევ, სტერილიზაციის შემდეგ ერთმანეთს ათხოვონ და გამოიყენონ"-განაცხადა გოგი წულაიამ.