არასამთავრობო ორგანიზაცია „ქართულ-აფხაზური და ქართულ-ოსური სახლის“ ხელმძღვანელი ნესტან კირთაძე რუსეთთან მოლაპარაკებების მეორე რაუნდის გამართავს სექტემბერში გეგმავს.  ამის შესახებ დღეს მან პრესკონფერენციაზე განაცხადა.
კირთაძის თქმით, მანამდე, სოხუმსა და ცხინვალში შეხვედრები შედგება, სადაც ხალხთან პირდაპირი დიალოგის დაწყებისა და სოციალურ, კულტურულ და აკადემიურ სფეროში ურთიერთობის აღდგენის აუცილებლობაზე ისაუბრებენ.
მისივე ინფორმაციით, მას სოხუმსა და ცხინვალში ჩასვლა საქართველოს მთავრობის გვერდის ავლით ვერ წარმოუდგენია.
„ენგურის საზღვარზე გადასვლა საქართველოს მთავრობის გარეშე ვერ წარმომიდგენია. თუ რა ფორმატით მოხდება კონფლიქტურ რეგიონებში ჩასვლა, ეს მოლაპარაკებების შედეგად გადაწყდება“- განაცხადა კირთაძემ.
მისივე თქმით, აფხაზებთან და ოსებთან გაუცხოვება დიდი ხანია დაწყებულია, თუმცა, ამის შეცვლა მათთან დიპლომატიური ურთიერთოებების აღდგენითა და პირდაპირი დილოგის გზით უნდა მოხდეს.
როგორც დღეს კირთაძემ განაცხადა, მოლაპარაკებათა პირველი რაუნდი მან მოსკოვში 2-9 ივლისის პერიოდში, რუსეთის პრეზიდენტის ვლადიმერ პუტინის უახლოეს გარემოცვასთან გამართა.