უბედურ შემთხვევას თბილისში ორი ახალგაზრდის სიცოცხლე ემსხვერპლა.
შემთხვევა უნივერსიტეტის ქუჩისა და ბაგების დამაკავშირებელ  ხიდზე მოხდა, სადაც 23 წლის მარიამ ყანდაშვილი და 25 წლის გოგა გოლეთიანი სამოყვარულო ექსტრემალური სპორტის სახეობას „როუფ ჯამპინგს“ შეეწირნენ.
ახალგაზრდები ხიდიდან ერთი თოკით გადახტნენ, რა დროსაც თოკი გაწყდა და ორივე 100 მეტრის სიმაღლიდან გადავარდა.
მარიამ ყანდაშვილი ადგილზე გარდაიცვალა. გოგა გოლეთიანი კი, რამდენიმე წუთში, საავადმყოფოში გადაყვანისას დაიღუპა.
სამაშველო და საპატრულო პოლიციის თანამშრომლებმა და კრიმინალისტებმა შემთხვევის ადგილზე შესაბამისი სამუშაოები ჩაატრეს. მიმდინარეობს გამოძიება.
განიხილება ვერსია უსაფრთხოების ნორმების დარღვევის შესახებ. „როუფ ჯამპინგის“ ღონისძიება მთამსვლელ ბიძინა გუჯაბიძის შვილის ერეკლე გუჯაბიძის ორგანიზებული იყო. სამართალდამცავების მიერ მისი და რამდენიმე ინსტრუქტორის დაკითხვა გვიანობამდე გაგრძელდა.