სტოკჰოლმში, მოყვარულ მზარეულთა კულინარიული კონკურსი „შვედეთის საუკეთესო კერძი“ მიმდინარეობს, რომლის გამარჯვებულიც ქართული სამზარეულოსა და ღვინის შესასწავლად საქართველოში ტურით დაჯილდოვდება.

კონკურსი აპრილში დაიწყო და ნოემბრამდე გაგრძელდება. გამარჯვებულისთვის მთავარ ჯილდოდ საქართველოში მოგზაურობის დაწესება სტოკჰოლმის საგამოფენო ცენტრთან შვედეთის სამეფოში საქართველოს საელჩოს აქტიური თანამშრომლობით გახდა შესაძლებელი. პროექტის მხარდამჭერები ასევე არიან სსიპ „ ღვინის ეროვნული სააგენტო“, შპს „ჯეოვინი“, „უკრაინის ავიახაზები“ და ტურისტული სააგენტო „Hi Georgia”.”საქართველოს ტურიზმის ეროვნულმა ადმინისტრაციამ“ მნიშნველოვანი მხარდაჭერა გასწია ხსენებული კონკურსის შესახებ ინფომრაციის ქართულ ტურისტულ კომპანიებში გავრცელების კუთხით.

ფინალში გამარჯვებული, ნორდიკულ რეგიონში უმსხვილესი ღვინისა და გასტრონომიის გამოფენის ფარგებში გამოვლინდება და მას მთავარ ჯილდოდ საქართველოში ხუთდღიან სამოგზაურო პაკეტს გადასცემენ, რომლიც ღვინისა და კულინარიის თემატიკას მიეძღვნება.

ღონისძიების შესახებ ინფომრაცია ნორვეგიაში ფართოდ გავრცელდა როგორც სოციალური ქსელების საშუალებით, ასევე კონკურსის ორგანიზატორის - სტოკჰოლმის საგამოფენო ცენტრის Stokholmsmassan ოფიციალურ ვებ გვერდზე. აღნიშნულ გვერდზე, საქართველოს ტურისტული პოტენციალის ამსახველი ბმულის მეშვეობით, კონკურსში მონაწილეობით ყველა მსურველს ეძლევა საშუალება მიიღოს მეტი ინფორმაცია საქართველოს შესახებ.