ორგანიზაცია „ახალგაზრდა ადვოკატების“ თანადამფუძნებელი და ერთ–ერთი ხელმძღვანელი, ადვოკატი არჩილ კაიკაციშვილი ქობულეთის საზოგადოებრივი კოლეჯის „ახალი ტალღის“ დირექტორის მოადგილის თამარ კაიკაციშვილის თანამდებობიდან გათავისუფლების ფაქტზე სამართალწარმოებას იწყებს.
როგორც „ახარგაზრდა ადვოკატების“ განცხადებაშია აღნიშნული, ამ ფაქტთან დაკავშირებით ორგანიზაცია ადმინისტრაციული საჩივრით განათლებისა და მეცნიერების სამინისტროს, სახალხო დამცველს, პარლამენტის ადამიანის უფლებათა დაცვის კომიტეტს და ეროვნული უშიშროების საბჭოსთან არსებულ უწყებათაშორის კომისიას და ასევე აშშ-ს საელჩოს, გაეროსა და ევროკავშირის წარმომადგენლობებს მიმართავს.
როგორც ადვოკატი აცხადებს, დირექტორის მოადგილის გათავისუფლება უკანონო და უსაფუძვლოა.
იგი ამ ეტაპზე არ საუბრობს გათავისუფლების პოლიტიკურ მოტივებზე და მწუხარებას გამოთქვამს, რომ ეს გათავისუფლება ემთხვევა ყველა საბიუჯეტო ორგანიზაციისადმი უწყებათაშორისი კომისიის მოწოდებას - არჩევნებამდე თავი შეიკაონ რეორგანიზაციისა და საკადრო ცვლილებებისგან.