პარლამენტის სპორტისა და ახალგაზრდულ საქმეთა კომიტეტის თავმჯდომარე მიხეილ ყაველაშვილი საქართველოს სათხილამურო ფედერაციის ვიცე-პრეზიდენტს, სპორტულ ჟურნალისტს პატრიკ ლანგს შეხვდა.
ოფიციალური ინფორმაციით, შეხვედრა ორ მხარეს შორის თანამშრომლობის გაღრმავებასა და სათხილამურო სპორტის განვითარების ხელშეწყობას ისახავდა მიზნად.
„საქართველოს თავისი გეოგრაფიული რელიეფის გათვალისწინებით, სათხილამურო სპორტის კიდევ უფრო მაღალ დონეზე განვითარებისთვის ყველანაირი პირობა გააჩნია. პატრიკ ლანგის გამოცდილების და რჩევების გათვალისწინება ხელს შეუწყობს ამ სფეროს პოპულარიზაციას და წინსვლას. მივესალმები საერთაშორისო გამოცდილების გაზიარებას და პატრიკ ლანგთან თანამშროლობის გაღრმავება“ - განაცხადა მიხეილ ყაველაშვილმა შეხვედრის დასრულებისას.