მასწავლებელთა პროფესიული განვითარების ეროვნული ცენტრის წარმომადგენლებმა გარე დაკვირვებაზე დარეგისტრირებულ მასწავლებლებთან, სკოლის დირექტორებთან და რესურსცენტრის თანამშრომლებთან საინფორმაციო შეხვდრები ზუგდიდში, ბათუმში, ქუთაიში, თელავსა და თბილისში გამართეს.
საინფორმაციო შეხვედრებზე მასწავლებლება მიიღეს ინფორმაცია პილოტირების პროცესის შედეგად დანერგილ სიახლეებზე, გარე დაკვირვების ეტაპებზე და პროცედურებზე. ასევე, მასწავლებლებს საშუალება ჰქონდათ დაესვათ კითხვები და მიიღოთ ამომწურავი პასუხები ნებისმიერ მათთვის მნიშვნელოვან საკითხთან დაკავშირებით.
გარე დაკვირვება თეორიული ცოდნის პრაქტიკაში შემოწმებას ემსახურება, რომლის გავლაც უწევს უფროს მასწავლებელს წამყვანის სტატუსის მოსაპოვებლად. რეგისტრაცია მთელი საქართველოს მასშტაბით მიმდინარე წლის 19 თებერვლიდან - 26 თებერვლის ჩათვლით eschool-ის ელექტრონულ სისტემაში მიმდინარეობდა და სულ 275 მასწავლებელი დარეგისტრირდა.
მასწავლებელთა პროფესიული განვითარების ეროვნულმა ცენტრმა გარე დაკვირვების კომპონენტის პილოტირება 2017 წელს შიდა ქართლისა და იმერეთის რეგიონში განახორციელა. პილოტირების რეჟიმში დარეგისტრირებული 105 მასწავლებელიდან გარე დაკვირვება 100-მა მასწავლებელმა გაიარა, რომელთაგან 86 შეფასდა დადებითად. 2018 წლის იანვრის თვეში გარე დაკვირვების წარმატებით გავლის შედეგად 42 მასწავლებელმა მოიპოვა წამყვანი მასწავლებლის სტატუსი, ხოლო 44 მასწავლებელს სტატუსის მოსაპოვებლად სასწავლო წლის დასრულებამდე დარჩენილი აქვს 1 ან 2 კრედიტქულა დასაგროვებელი.