სენაკისა და ჩხოროწყუს მიტროპოლიტი, საქართველოს კათოლიკოს-პატრიარქის თანამოსაყდრე, მეუფე შიო წილკანში სასულიერო პირებთან ერთად ჩავიდა და არჩილ ტატუნაშვილის ოჯახს მიუსამძიმრა.
მეუფე შიოს თქმით, ტრაგედიაა ის ფაქტი, რომ ოჯახს არ ეძლევა ცხედრის გადმოსვენებისა და ქრისიტიანული წესით დაკრძალვის საშუალება.
„ვართ ძალიან შეშფოთებულები რომ ამდენი ხანი გაჭიანურდა ცხედრის გადმოსვენება და ოჯახს არა ეძლევა საშუალება , რომ ქრისიტიანულად დაკრძალოს და ეს რა თქმა უნდა ტრაგედიაა. ამასთან ერთად ჩვენ კიდევ ერთხელ ვიხსენებთ იმას, თუ რა არის უდიდესი ჭრილობა და იარა ჩვენი სახელმწიფოსთვის, რაც არის ცხინვალის რეგიონი და აფხაზეთი.
რუსეთის საპატრიარქოსთან მას შემდეგ არ გვქონია კომუნიკაცია, ითქვა, რომ უახლოეს დროს მოხდება დაბრუნება, თუმცა, სამწუხაროდ ეს არ ხერხდება“- განცხადა მეუფე შიომ.