საქართველოს პარლამენტის საფეხბურთო გუნდმა საქართველოს ტექნიკური უნივერსიტეტის პროფესორ-მაწავლებელთა და სტუდენტთა საფეხბურთო გუნდთან სიმბოლური მატჩი გამართა. შეხვედრა პარლამენტარების გამარჯვებით, ანგარიშით 7:4 დასრულდა.

მატჩი, რომელიც თბილისის ახალ სპორტის სასახლეში გაიმართა, მიეძღვნა ტრაგიკულად გარდაცვლილი საქართველოს ტექნიკური უნივერსიტეტის სტუდენტის, საქართველოს ფუტსალის ეროვნული ნაკრების მეკარის, გიორგი (ჯონი) ბრეგვაძის ხსოვნას. მატჩის დევიზი იყო: „ჩვენ ვირჩევთ ჯანსაღი ცხოვრების წესს“.

შეხვედრის დაწყებამდე, მატჩის მონაწილეებმა წუთიერი დუმილით პატივი მიაგეს ტრაგიკულად გარდაცვლილი საქართველოს ტექნიკური უნივერსიტეტის სტუდენტის გიორგი (ჯონი) ბრეგვაძის ხსოვნას.

„ჯანსაღი ცხოვრების წესი ყველასთვის მნიშვნელოვანია. დღევანდელ თამაშს აბსოლუტურად სხვა დატვირთვა ჰქონდა. საერთო ჯამში, მე ვთვლი, რომ ძალინ კარგია, როდესაც ასეთი ერთობლივი ღონისძიებებია, როდესაც სტუდენტებთან ერთად ფეხბურთს ვთამაშობთ. როგორც პარლამანტარი და როგორც რიგითი მოქალაქე, მივესალმები ისეთ აქტივობებს, რაც ზოგადად სპორტს ეხება და ბედნიერი ვარ, რომ დღეს ამ მატჩის მონაწილე ვიყავი“,-განაცხადა სპორტისა და ახალგაზრდულ საქმეთა კომიტეტის წევრმა, ლევან კობიაშვილმა.