პარლამენტის წევრის, კახა კუჭავას განცხადებით, ყველა ახალი მშენებლობა უზრუნველყოფს უფრო მეტი გამწვანებისა და დამატებითი პარკინგ ადგილების შექმნას თბილისის უბნებში.
ამის შესახებ კუჭავამ კახა კალაძის მიერ დაანონსებულ ინიციატივასთან დაკავშირებით განაცხადა.
„კახი კალაძის მიერ დაანონსებული სიახლეები პირდაპირ ეხმაურება იმ ერთ-ერთ მთავარ პრობლემას, რაც დედაქალაქის ეკოლოგიას უკავშირდება. ეს პრობლემა კომპლექსურია და მის მოგვარებას მრავალმხრივი მიდგომა სჭირდება.
კალაძემ დააინიცირა ის, რაც ვერ გააკეთა ვერცერთმა ყოფილმა მერმა. ახალი მოთხოვნების შესაბამისად ყველა ახალ მშენებარე ობიექტს ვალდებულება ექნება შეათანხმოს პროექტი, პირველ რიგში გამწვანების სამსახურთან და ტრანსპორტის სამსახურთან. ანუ, ყველა ახალი მშენებლობა უზრუნველყოფს უფრო მეტი გამწვანებისა და დამატებითი პარკინგ ადგილების შექმნას თბილისის უბნებში. ამისათვის სავალდებულო ხდება დენდროლოგიური განვითარების მოთხოვნებისა და მშენებარე ობიექტზე არსებული და დამატებით დარგული ხეების მოვლა.
ეკოლოგიურად სუფთა 100 ავტობუსის შემოყვანა ქალაქის ქუჩებში არა მხოლოდ დროული გადაწყვეტილებაა, არამედ მაგლითიც ჩვენი მოსახლეობისათვის, რომ დიზელზე, ბენზინზე და გაზზე მომუშავე ავტომობილები ნელ-ნელა ჩავანაცვლოთ ჰიბრიდული და ელექტრო მანქანებით თუ გვინდა ერთად შევქმნათ სიცოცხლით სავსე ქალაქი, სადაც ჰაერის დაბინძურების პრობლემაზე აღარ ისაუბრებს არავინ“- განაცხადა კუჭავამ.